សូមស្វាគមន៍   ឡក់ចូល / ចុះឈ្មោះ

ទម្លាប់​គ្រោះថ្នាក់ ៥យ៉ាង មុន​ពេលចូល​គេង​ដែល​អ្នក​គួរ​តែបញ្ឈប់​ឥលូវ​នេះ

  • 2 months ago
  • ដារ៉ា

188ASIA.COM ការកម្សាន្តអនឡាញលំដាប់ពិភពលោក មានតែមួយគត់នៅកម្ពុជា

ពេលខ្លះ​អ្នក​ព្យាយាម​ធ្វើគ្រប់យ៉ាង តែ​នៅ​តែគេង​មិនលក់។ អ្នក​បែរខ្លួន​ពីម្ខាង​ទៅម្ខាង, មាន​អារម្មណ៍​ច្របូក​ប្របល់, ក្រោក​ឡើង​ទទួលទាន​តែមួយ​ពែង​ហើយ ​នៅពេល​ដាក់​ខ្លួន​ដល់​កន្ទេលវិញ​ចិត្ត​របស់​អ្នក​នៅ​តែ​មិនស្ងប់។ កត្តាទាំងនេះហើយ​ដែល​ធ្វើឱ្យ​អ្នកមាន​បញ្ហា​សុខភាព​ធ្ងន់ធ្ងរ ដូច្នេះតើ​អ្នកចង់​​ដឹង​​ពីមូល​ហេតុ​ដែល​ធ្វើ​ឱ្យអ្នក​គេង​មិន​ដែរ ឬទេ?

១. ការ​ទទួលទាន​ជាតិស្រវឹង

ជានិច្ចកាល ទោះបីជាយើង​គិតថា​ការ​ទទួលទាន​ស្រាមួយ​កែវ ឬស្រាបៀរ​អាចជួយ​ឱ្យ​យើង​ងងុយគេង​ក៏​ពិតមែន, តែជាតិ​ស្រវឹង​អាច​បំផ្លាញ​ដំណេក​របស់​អ្នក។ វានាំឱ្យ​គុណភាព​នៃការ​គេង​ធ្លាក់ចុះ, បណ្តាល​ឱ្យអ្នក​ក្រោក​ឡើង​មាន​អារម្មណ៍​ថាងីងើ និង​ហត់នឿយ។ លើសពី​នេះទៀត ជាតិ​ស្រវឹង​ជាសារធាតុ​បង្កើន​ទឹកនោម ដូច្នេះ​វា​នាំឱ្យ​អ្នក​ត្រូវ​ធ្វើដំណើរ​ទៅ​បន្ទប់​ទឹក​ក្នុងពេល​យប់​ជ្រៅ ដែល​រំខាន​ដល់​ដំណេក​របស់អ្នក។

២. ការទទួល​ទាន​នំសូកូឡា

យើង​ទាំងអស់គ្នា​តែងតែ​ចូលចិត្ត​ទទួល​ទាន​សូកូឡានៅ​ពេលយប់ ប៉ុន្តែ​វាមិន​ត្រឹម​តែធ្វើឱ្យ​​យើង​ឡើង​ទម្ងន់​ប៉ុណ្ណោះទេ តែថែម​ទាំង​អាច​ធ្វើឱ្យ​យើង​មិន​ងងុយ​គេង​ផងដែរ។ ការ​ទទួលទាន​ការ៉េម​សូកូឡា​បន្តិច​បន្តួច ឬនំផ្អែម​តិចតួច​មិន​ជាបញ្ហា​ទេ តែប្រសិន​បើអ្នក​ងាយនឹង​ប្រតិកម្ម​នឹង​ជាតិ​កាហ្វេអ៊ីន អ្នក​នឹង​នៅ​តែជួប​នឹងបញ្ហា។ សូកូឡាខ្មៅ​ដែល​ជាជម្រើស​សម្រាប់​សុខភាព ជា​និច្ចកាល​មានផ្ទុក​ជាតិ​កាហ្វេអ៊ីន​កាន់​តែច្រើន។

៣. ការ​វាយអត្ថបទ, ការ​មើលទូរទស្សន៍, លេងហ្វេសប៊ុក, ហើយ​ស្ទើ​តែគ្រប់​សកម្មភាព​ដែល​អ្នក​ឧស្សាហ៍​ធ្វើមុន​ពេល​ចូល​គេង

អ្នកប្រហែល​ជាធ្លាប់​បានឮកន្លង​មកហើយ​ថា ការរៀន​ដោយ​ប្រើឧបករណ៍​អគ្គិសនី​អាច​ធ្វើឱ្យ​អ្នក​មិនងងុយ​គេង។ ចំណែក​ឯភ្លើង​ពន្លឺពណ៌ខៀវ​វិញ​អាច​រារាំង​ខួរក្បាល​មិនឱ្យ​ផលិត​ជាតិ​មេឡាតូនីន ដែល​ជាអ័រម៉ូន​ធ្វើឱ្យ​អ្នក​ងងុយ​គេង។

បច្ចុប្បន្ននេះ អ្នកជំនាញ​ភាគច្រើន​បាន​ណែនាំ​ឱ្យដាក់​ទូរស័ព្ទ​របស់​អ្នក​ចុះ, បិទ​ទូរទស្សន៍ និង​កុំព្យូទ័រ​យ៉ាង​ហោច​ណាស់​មួយ​ម៉ោង​មុន មុន​ពេល​ចូលគេង។ យល់ល្អ​គួរ​អាន​សៀវ​ភៅ, ដើរ​តិចតួច ឬជជែក​លេង​ជាមួយ​នឹង​មនុស្ស​ដោយ​ផ្ទាល់។ ប៉ុន្តែ​ប្រសិនបើ​អ្នក​នៅតែ​មិន​អាច​គេងលក់​ទៀត (វាពិត​ជាពិបាក) សាកល្បង​គេចមុខ​ចេញ​ឱ្យ​ឆ្ងាយ​ពីអេក្រង់​តាម​ដែល​អ្នក​អាចធ្វើ​ទៅបាន និង​ត្រូវ​បិទភ្លើង ប្រសិនបើ​អាច​ទៅរួច។

៤. ការធ្វើ​លំហាត់​ប្រាណ

ជាមួយនឹង​ការងារ​មមាញឹក​សព្វថ្ងៃនេះ ពេលខ្លះ​វាពិបាក​នឹងទៅ​ធ្វើលំហាត់​ប្រាណ ត្រូវ​រង់ចាំ​រហូត​ដល់​អាហារ​ល្ងាចរួច។ ប៉ុន្តែការ​ធ្វើលំហាត់​ប្រាណ​ពេលនេះ​អាច​ធ្វើឱ្យ​អ្នក​គេង​មិន​លក់។ អ្នកគួរ​តែ​ព្យាយាម​ធ្វើលំហាត់​ប្រាណ​យ៉ាង​ហោច​ណាស់​ឱ្យបាន​មុន ៤ ម៉ោង មុននឹង​ចូល​គេង។ ព្យាយាម​ធ្វើលំហាត់​ប្រាណ​ឱ្យបាន​មុន​ធ្វើ​ការងារ ឬកំឡុង​ពេល​ពេល​ល្ងាច​ប្រសិន​បើអាច ព្រោះ​មនុស្ស​ដែល​ធ្វើលំហាត់​ប្រាណ​បាន​ទៀងទាត់​ជាទូទៅ​គេង​បាន​លក់ស្រួល​ជាង​មនុស្ស​ដែល​មិនបាន​ហាត់ប្រាណ។

៥. ការទទួលទាន​អាហារ​មុនពេល​ចូលគេង

ប្រសិនបើ​អ្នកមិន​ប្រាកដ​ពីមូល​ហេតុ​ដែល​ធ្វើឱ្យ​អ្នកគេង​មិនលក់ យល់ល្អ​ត្រូវជៀស​វាង​ទទួល​ទាន​អាហារ​មុន​ពេល​ចូលគេង។ ប្រភេទ​អាហារ​ដូចជា៖ ហិរ, សម្បូរជាតិ​ខ្លាញ់ អាច​នាំឱ្យ​ខូច​ប្រព័ន្ធ​រំលាយ​អាហារ ដូច្នេះ​ត្រូវ​ព្យាយាម​ទទួល​ទាន​អាហារឱ្យ​បាន ២ ម៉ោង​មុនពេល​ចូលគេង។ ត្រូវដឹង​ពីប្រភេទ​ថ្នាំ​ដែលអ្នក​ទទួលទាន​នៅពេល​យប់ ព្រោះ​អាច​បណ្តាល​ឱ្យ​គេង​ពុំលក់។ សូម្បីតែ តែមួយ​ពែងនៅ​ពេល​យប់​ក៏​ធ្វើឱ្យ​អ្នកមិន​ងាយ​ងងុយ​គេង​ដែរ។

ព្យាយាមផ្លាស់ប្តូរ​ទម្លាប់​របស់អ្នក, ឈានទៅ​រក​ទម្លាប់ល្អៗ​ដោយ​មិន​ទទួលទាន​ជាតិ​ស្រវឹង, មិន​ទទួលទាន​អាហារ និង​ប្រើភ្លើង​ពណ៌ខៀវ នោះ​អ្នកនឹង​គេងលក់​បាន​ស្រួល៕

ហាមយកអត្ថបទពី វេបសាយ http://www.khmerpropey.com ដោយ​គ្មានការអនុញ្ញាតិ

  • Loading...
  • Home of Fashion
  • 25% off
  • Loading...